O re manwa tu toh bawra hai...

Soch ke pardo ke beech se jhaakti hui wo kaduwi yaadein
Kuch udaas mann, kuch gumrah raahein
Kise paane ki khwaish liye re mann tu bhatakta raha
wo jo tera kabhi tha bhi nhi, uski khatir tu din raat tadapta rha

Aaj badhawaas sa, neer ke daldal mein dhasaa sa
tu kaha aa gya dekh ek udte baadal ka peecha karte karte
Tere peer ka kaaran tu hi toh hai, dawa phir kyu maangta hai
Tu itna toh bhola nhi, re mann tu sab toh jaanta hai

Ek andheke anjaan chehre ki khaatir
jo ban gaya hai kaafir
Tu uski talaash mein din raat bas lut ta rha
Tu har roz bewajah tootta- bikharta rha

Nhi wo nhi, re mann tu hi hai gunaehgaar
Tu jaankar galtiyaan dohraata rha
Har saans mein usi ko bulaata rha
Ek insaan ko khuda bana diya


Parwat ke uss paar suraj ki kirne hongi, iss ore bas andhera hai
Kuch iss tarah behosh hoon, ki anjaan sa sawera hai
main band kar rhi wo darwaaze jinme daraare thi
ab inn darraro ko bhar doongi, jhaak ke teri or ab waapas na dekhungi

Teri bala ki meherbaaniyon ne
 mujhe khoob azmaaya
Hasaana toh yaad nhi 
par haan bahut rulaaaya..

~Saumya